Сафина Намукваја направила ин витро оплодување, а сега родила момче и девојче. Таа наводно била породена со царски рез во болница во Кампала.
Сафина, која е една од најстарите мајки што се породила, за локалните медиуми изјавила дека „се случи чудо“.
Вработените во болницата ѝ честитаа, наведувајќи дека нејзиниот случај е повеќе од „медицински успех“.
„Се работи за силата и издржливоста на човечкиот дух. Постигнавме нешто несекојдневно, породивме близнаци на најстарата мајка во Африка, која има 70 години!“, се наведува во соопштението на Меѓународниот центар за плодност (VHI&FC).
Според Центарот, Сафина ги родила близнаците вчера околу пладне и на неа и на бебињата им е одлично.
Намукваја изјави за локалните медиуми дека нејзината бременост била тешка бидејќи нејзиниот партнер ја оставил кога сфатил дека ќе роди близнаци.
"Мажите не сакаат да им велат дека носите повеќе од едно дете. Откако бев примена во болница, мојот партнер никогаш не се појави", рекла таа.
Ова е втор пат Сафина да се породи во последните три години. Таа го роди своето прво девојче во 2020 година.
Рекла дека многу сакала да се породи бидејќи сите ја понижувале затоа што не се исполнила како мајка.
"Чував туѓи деца и ги гледав како растат и ме оставаат. Се прашував кој ќе се грижи за мене кога ќе остарам", рекла Сафина.
Вообичаено, жените минуваат низ менопауза на возраст од 45 до 55 години. Плодноста опаѓа околу ова време, но медицинскиот напредок им овозможи да раѓаат.
Ин витро оплодувањето (ИВФ) е една од неколкуте техники. За време на процесот, јајце клетка се отстранува од јајниците на жената и се оплодува со сперма во лабораторија. Оплодената јајце клетка, наречена ембрион, потоа се враќа во матката на жената за да расте и се развива.
© Vecer.mk, правата за текстот се на редакцијата
