Полуден маж упаднал среде панел на гинеколози во Балтимор и почнал да му удира шлаканици на еден од учесниците, тврдејќи дека сексуално ја вознемирувал неговата сопруга за време на преглед.
Во видеото се гледа како крупен маж оди на сцената, го фаќа докторот од Лонг Ајленд за јаката, па потоа почнува да му удира шлаканици. Запрепастениот доктор гледа наоколу за помош додека многу повисокиот маж го фаќа за вратот и покажува кон него.
- Знаеш што направи! Пред седум години сексуално ја нападна мојата сопруга. Седум години чекам да те запознаам. Имаш среќа што не те убив - вика мажот додека некој од публиката гласно го повикува обезбедувањето.
“You know what you did!” Husband storms stage and assaults doctor at Baltimore medical conference, accusing him of sexually assaulting his wife seven years ago. His angry tirade continues for two minutes. pic.twitter.com/H27eVsweEM
— Mike Sington (@MikeSington) June 3, 2023
Полицијата во Балтимор потврди за VMAR дека физичкиот напад на лекарот се случил на конференцијата на гинеколози и акушери одржана на 20 мај. Лекарот, кој не е јавно идентификуван, според локалните медиуми, не е обвинет за никакво кривично дело.
- Лекарот кој беше нападнат изјави дека не сака да поднесе кривична пријава ниту да поднесе пријава против лицето кое физички го нападна и дека повеќе би сакал тоа лице да биде изведено од просториите, изјавил портпаролот на полицијата.
Американскиот колеџ за акушери и гинеколози испрати е-пошта за инцидентот до своите лекари.
– Разбираме дека лекарите кои биле сведоци на инцидентот лично или на интернет, можеби доживеале траума, вклучително и многу од вас кои во минатото сте доживеале сексуален напад или друго насилство, се вели во соопштението.