- Во спротивно, ќе завршиме со сè повеќе специјални понуди и ќе ја девалвираме нашата марка, рече извршниот директор Адалберт Лехнер во интервју за германскиот весник Ди Цајт (Die Zeit).
Во другите супермаркети, Линд добива „премиум пласман што му дава простор на брендот“, рече Лехнер, додека дисконтите ги продаваат производите по ниски цени.
Лидл и Алди одбиле да коментираат на прашањата на ДПА.
Производителите на чоколадо како што се Lindt, Mondelez (Milka) и Ritter Sport се борат со растечките цени на суровото какао поради слабите жетви и други проблеми со снабдувањето.
Ова има забележителни последици за потрошувачите, бидејќи цената на чоколадото брзо расте во последните години.
Во октомври, клиентите платиле во просек 77 проценти повеќе за чоколадо отколку во 2020 година.
Според истражувачите на пазарот како што е YouGov, ова довело до пад на купувањето чоколадо.
Иако цените на стоковите берзи неодамна се намалија, тие остануваат релативно високи. Лехнер не очекува чоколадото повторно да стане поевтино во скоро време.
- Дури и ако цената на какаото падне, не очекувам цените на чоколадото да паднат, изјави тој за Ди Цајт.
© Vecer.mk, правата за текстот се на редакцијата
