Необичната приказна повторно е ажурирана, а се случила на крајот на декември минатата година.
Што се случило? Клејтон ги оставил парите на шанкот, а 30 минути подоцна открил дека ги нема, пренесува Fox 5.
Ја известил сопругата и по кратко пребарување сфатиле дека нивниот 8-годишен златен дудл Сесил го изел купот пари!
„Никогаш не се обиде да се качи на мебелот, па тоа беше необично. Некако ги зграпчи парите во пликот и ги изеде“, објаснил човекот.
Кога парот се смирил, го повикале ветеринарот, кој му објаснил дека нема потреба да го носат миленикот, се додека тој се однесува нормално, јаде и врши нужда.
Следните денови го следеле кучето и успеале да повратат дел од парите што ги проголтало, а потоа ги повратило.
„Собравме и исчистивме сè. Страшно смрдеше. Работата траеше два-три дена“, откриваат тие.
За нивна среќа, банката била подготвена да ги замени повеќето уништени банкноти на кои имало серискиот број, па Клејтон вратил 3.550 долари.
Кери објави фотографија од миленикот на Инстаграм и напиша: „Ова е Сесил. Тој не направи ништо лошо во животот додека не изеде 4.000 долари“.
Pennsylvania’s Golden Doodle eats $4000 cash. pic.twitter.com/wcXRlA7KQD
— News Arena India (@NewsArenaIndia) January 7, 2024
© Vecer.mk, правата за текстот се на редакцијата
