Првото целосно затемнување на Месечината во 2022 година ќе се случи во недела на 16 мај, како резултат на што Земјиниот сателит ќе поцрвене.
Додека Земјината сенка ќе ја преминува Месечината овој викенд, таа ќе стане „крвава“, облеана во бронзена светлина, со што ќе создаде спектакл што ќе можеме да го набљудуваме на небото над Македонија.
Ова е прво од двете вкупно затемнувања на Месечината оваа година. Следното ќе се случи на 8 ноември.
Што е целосно затемнување на Месечината?
Затемнувањето на небесните тела се случуваат кога еден објект затскрива друг.
Во случај на целосно затемнување на Месечината, Земјата го зазема своето место помеѓу Сонцето и Месечината.
Можеби очекувате дека ова ќе ја спречи сончевата светлина да стигне до Месечината и ќе ја направи невидлива на ноќното небо, но тоа навистина нема да се случи.
Наместо тоа, дел од сончевата светлина поминува низ атмосферата на Земјата и се распрснува кон Месечината.
За да се случи овој феномен, Сонцето, Земјата и Месечината мора да бидат во линија, што се случува само за време на полна Месечина.
Целосните затемнувања на Сонцето, од друга страна, се случуваат за време на младата месечина, кога Месечината минува помеѓу Земјата и Сонцето.
На тој начин сончевата светлина не допира до одредени делови на Земјата, нагло менувајќи се дење и ноќе.
Затемнувањето на Сонцето и Месечината се случуваат со разлика од околу две недели.
Најновото делумно затемнување на Сонцето беше видливо од Јужна Америка, а се случи на 30 април.
Каква е глетката?
Целосното затемнување на Месечината ќе започне како незабележливо, суптилно затемнување, едвај забележливо за просечниот, непрофесионален набљудувач.
Тогаш најширокиот, најдифузен дел од Земјините сенки почнуваат да се движи по површината на Месечината, протегајќи се од крајната лева страна, до крајната десна страна на Месечината.
Потоа доаѓа делумната фаза на затемнувањето, кога најтемниот дел од Земјината сенка првпат доаѓа во контакт со Месечината.
Ќе видите како превезот на темнината ја обвива Месечината, а благата, крива сенка што ќе ја забележите на неа ќе биде одраз на Земјата.
Заоблената сенка ќе биде помека од контурите на Месечината, бидејќи Земјата е поголема.
Кога сенката целосно ќе ја проголта, Месечината ќе стане црвена.
Тоа е затоа што единствената светлина што стигнува до Месечината е онаа што минува низ атмосферата на Земјата.
Пократки бранови должини, односно повисоки фреквенции на светлина, се расфрлани, оставајќи само подолги црвени бранови должини, способни да навлезат низ целата должина на атмосферата на нашата планета, под мал агол на упад.
Од истата причина, зајдисонцата на Земјата се црвени.
Максималното затемнување се случува кога Месечината е целосно заматена од Земјината сенка и е осветлена од ништо друго освен црвена светлина.
Бојата на затемнувањето на Месечината всушност варира во зависност од тоа колку е загадена атмосферата на Земјата.
Астрономите ги проценуваат нијансите на црвено што ќе ги добие Месечината со помош на Данјонова скала од пет точки, каде што „нула“ означува тешко затемнување, а „четири“ претставува затемнување на бакарна 'рѓа.
Колку е честа оваа појава
Затемнувањата на Месечината се многу почести од затемнувањата на Сонцето, поради што нивниот изглед не е толку посебен.
Затемнувањето на Месечината може да биде видливо во текот на ноќта на Земјата, бидејќи Месечината е видлива од каде било на планетата.
На повеќето локации на Земјата, секоја година се случуваат едно или две затемнувања на Месечината.
