Во среда, 39-годишниот Хари ќе ја прослави десетгодишнината од меѓународниот спортски настан „Invictus Games“, кој го основал, во лондонската катедрала Свети Павле, кој е мултидисциплинарен спортски настан за ранети и болни воени ветерани.
- Како одговор на бројните прашања и шпекулации дали војводата ќе се сретне со својот татко за време на неговата посета на Обединетото Кралство оваа недела, за жал тоа нема да биде. Војводата од Сасекс разбира дека неговиот татко има обврски и разни други приоритети и се надева дека наскоро ќе го види - изјави портпаролот на принцот Хари.
