Една од најпопуларните диети во светот со години е т.н Диета со компир, за која многумина велат дека им помогнала да ослабат за кратко време: дури шест за една недела. Спаѓа во диетите за кои нутриционистите не се ентузијасти и кои обично не се препорачуваат, особено не на долг рок бидејќи не е избалансирана и разновидна.
ПРАВИЛА:
Правилата се едноставни: јадете компири. Можете да го јадете варен, печен или пире… Освен во форма на чипс!
Според GoodTo, во текот на денот треба да се јаде од еден до 2,5 кг компир, а тоа се однесува на обичните бели и црвени компири, а не слаткиот компир. Овој портал понатаму препорачува да се избегнуваат физички активности додека се одржува оваа диета и не се советува да се држи подолг временски период.
Пред неколку години, во емисијата „Како добро да ослабете“ на британскиот Канал 4, една жена по име Каролина зборувала за своето искуство со оваа диета и призна дека повеќе не е љубител на компири.
– Буквално ми се гади и ми се смачи од компири, истакнала таа и додала: – Не можев да поверувам!
Како што пишува порталот, таа за една недела ослабела 5,5 килограми, а нејзината пријателка Шармејн само два.
Како што пишува GoodTo, иако дава резултати, не се препорачува да се јаде на овој начин повеќе од седум дена по ред.
– Запомнете дека, иако е популарна, оваа диета не им се допаѓа на многу доктори бидејќи не е избалансирана. Брзото слабеење може да биде опасно и не дава долгорочни резултати, изјавил д-р Александар ван Талекен во истата емисија.
Што да се јаде?
Постојат различни варијанти на диетата со компири, а најригорозна е онаа каде што не јадете ништо друго освен компири, со додавање на билки и зачини. Меѓутоа, популарна е и верзијата која не е толку тешка и строга и во која може да се јаде и друга храна од растително потекло, како овошје, мешунки и друг зеленчук, па дури и житарки. Дури и мајонезот и домашниот кечап се дозволени во помали количини, како и сол, но се препорачува да ја избегнувате или барем да го сведете на минимум.
Што се однесува до пијалаците - вода, црно кафе, билен чај и лимонада може да се пие во помалку ригорозни верзии, а ништо друго освен вода во најстрогите.
Што НЕ треба да се јаде?
Во зависност од тоа колку е строга варијантата што ќе ја изберете, различни намирници се забранети.
Се подразбира дека брзата храна не се препорачува, а истото важи и за грицките, слатките, газираните сокови, засладеното кафе и чајот. Во повеќето варијанти на диетата, се забранети додадени масти, путер, јаткасти плодови, авокадо. Тестенините, чипсот, белиот леб, како и сите видови месо, јајца и млечни производи генерално се строго забранети, што е една од гласните причини зошто нутриционистите не се воодушевени од ваквиот начин на исхрана.
Во секој случај, доколку се размислува за таква диета, многу е важно прво да се разговара со лекар и да се слушне неговото мислење и совет.
© Vecer.mk, правата за текстот се на редакцијата
