Каменот, древен симбол на шкотската монархија, бил конфискуван од англискиот крал Едвард I во 13 век и однесен во Вестминстерската опатија. Во Англија останал 700 години и беше дел од столот за крунисување каде се крунисале кралевите и кралиците.
Каменот е вратен на трајно изложување во Шкотска во 1996 година. Но, договорено е тој да се врати во Вестминстерската опатија за секоја идна церемонија на крунисување, јавува Би-Би-Си.
Гледачите ќе имаат можност да го проследат крунисувањето во West Princes Street Gardens во Единбург на 6 мај преку бесплатна проекција. Каменот од црвен песочник тежок 150 килограми, познат како Каменот на Скоун, е долг 66 сантиметри, широк 42 сантиметри и висок 27 сантиметри.
Се користел за крунисување на шкотските кралеви стотици години пред да биде заробен од Едвард I во 1296 година, за време на Војните за независност.
Каменот останал во Англија стотици години, до Божиќ 1950 година кога четворица студенти од Глазгов упаднале во Вестминстерската опатија и го вратиле во Шкотска.
© Vecer.mk, правата за текстот се на редакцијата
