Американскиот претседател Џо Бајден и неговата сопруга Џил се домаќини на француската претседателска двојка на вечера во Белата куќа. Францускиот претседател Емануел Макрон е вторпат во официјална посета на САД. Макрон ги посети САД и во 2018 година, а тогаш домаќин му беше двојката Трамп.
Освен списокот на гости, големо внимание кај јавноста привлече и менито планирано за вечерата.
Извршниот готвач најави дека фокусот ќе биде ставен на тоа вечерата да биде американска и да се фокусира на состојките кои се набавени од неколку држави.
Брачниот пар Бајден како предјадење ќе послужи јастог со путер, а како прилог послужен кавијар. Како главно јадење, предвидено е говедско месо одгледано на посебна фарма во Ајова, Илиноис, и Пенсилванија, а како прилог мармалад од шалот, како и многу зеленчук.
За десерт, брачната двојка Бајден прво ќе служи два вида сирење, едниот ќе биде сино сирење, додека другиот ќе биде козјо сирење направено во позната млекарница во Калифорнија. Заедно со сирењата ќе се служи и мацерирано грозје и мед произведени во кошниците на Белата куќа.
Да потсетиме, францускиот претседател е во посета на САД, а веќе се сретна и со потпретседателката Камала Харис.
