Аргентинецот Самуел поминал речиси 100 километри на автопат пред да сфати дека си ја заборавил сопругата Клаудија на бензиска.
Имено, двојката биле на патување во Бразил, а кога се враќале дома застанале на бензиска станица за да наточат гориво. Клаудија за тоа време спиела на задното седиште, но кога Самуел го наполнил резервоарот тој не проверил дали неговата сопруга е се уште на задното седиште. Тој мислел дека таа продолжила да спие и воопшто не забележал дека додека тој точел гориво таа влегла во продовницата да купи нешто за јадење.
А она кое што ја прави ситуацијата уште почудна е дека со нив бил и нивниот 14 годишен син, кој исто така не забележал дека ја нема неговата мајка. Тој постојано бил на неговиот мобилен телефон.
Кога поминале два часа, Клаудија се обидела да стапи во контакт со нив но за жал немале сигнал. На крајот, таа заминала во локалната полициска станица. По поминати 100 километри тие се вратиле по неа. Според полициските службеници, кога Самуел и синот пристигнале во полициската станица, Клаудија била бесна и почнала со клоци да го удира автомобилот.