Кортни (36) и Крис (32) Роџерс отсекогаш сакале да имаат големо семејство. Денес, тие имаат единаесет деца и велат дека би сакале да имаат барем уште едно.
Тие живеат во областа Санта Фе во Ново Мексико. Се венчале во 2008 година и оттогаш добиле 6 момчиња и 5 девојчиња - Клинт (11), Клеј (9), Кејд (8), Кали (7), Кеш (6), близнаци Колт и Кејс (5 ), Калена (4), Кеди (3), Корали (23 месеци) и Карис (шест месеци).
Кортни енајстаро дете од шесте браќа и сестри, а нејзиниот сопруг Крис, имал девет помлади браќа и сестри, се запознале во 2007 година во црковен камп во Џорџија.
Двојката, чии месечни трошоци само за храна се околу 1.200 американски долари, одлучиле децата да не одат на училиште, туку да учат од дома. Тие живеат на ранч кој има 12 хектари, а единствениот извор на приход е платата на „главата на семејството“.
Во јануари тие морале да престанат да одат на патувања и ресторани, бидејќи ги чинело огромни 1.000 долари месечно. Децата носат наследена облека и обувки, а мајката на Кортни, која не е вработена, открива дека таа најмногу купува на акции за да заштеди пари.
- Оние што прашуваат како можам да им обрнам доволно внимание на моите деца, обично се оние кои ги испраќаат своите деца на училиште. Не ја разбирам нивната логика, јас се занимавам со моите деца 24 часа на ден.
Образованието дома значи дека секој час лесно може да се прилагоди на децата и во исто време не ги принудува да седат тивко со часови, како што треба да прават децата што одат на училиште.
Кортни исто така предава на локалните деца во неделното училиште во црквата; открива дека понекогаш има четири деца кои чекаат домашна по математика додека таа менува пелени на најмладите.
- Никогаш не страдав од утринска мачнина. Сакам да бидам бремена, да имам што е можно поголемо семејство, да размислувам какво бебе ќе родам и какво име ќе му дадам. Јас и сопругот не користиме заштита, но не од религиозни причини; Едноставно, не сакам да пијам апчиња - открила Кортни.
Утрата во нивното семејство, вели оваа мајка, се најлуди, но остатокот од денот не поминува без динамика:
- Стануваме рано, околу седум и пол, и започнуваме да се подготвуваме за денот. Постарите деца имаат домашни задачи што ги прават за да помогнат. Во основа, сите ние учествуваме во подготвување ручек; во попладневните часови, помладите деца одат на спиење, а постарите или одмараат или ги извршуваат своите домашни задачи. Крис обично доаѓа дома доцна попладне и сите сме заедно на вечера; Јас обично правам тортиљи, јагнешко или пица.
И покрај фактот дека Светската здравствена организација препорачува интервал од 18 до 24 месеци помеѓу бременоста, Кортни не се придржува до тоа.
Празниците во домот на ова 13-члено семејство се многу весели и бучни.
- Сите деца за Божиќ добиваат пижами и традиционални чорапи исполнети со подароци. Ние го украсуваме домот најмалку еден месец пред празниците, со цел да создадеме празнична атмосфера - раскажува Кортни.
Таа и нејзиниот сопруг откриваат дека не би сакале да останат со единаесет деца.
„Барем уште едно да имаме, копнежно вели оваа храбра мајка.
