Ова прв го објави порталот View from the Wing, кој наведува дека предизвикал неколкучасовни доцнења за патниците.
Боинг 787-9 на летот од Лос Анџелес во саботата во 14:01 часот, требало да пристигне во Шангај по приближно 13 до 14 часа лет. Меѓутоа, околу 1 час и 45 минути по полетувањето, додека авионот летал над Тихиот океан, еден од четворицата пилоти сфатил дека го нема својот пасош - клучен документ за меѓународно патување.
Бидејќи екипажот не можел да го продолжи летот за Кина, авионот се свртел и бил пренасочен кон аеродромот во Сан Франциско, еден од главните центри на компанијата. Тој слетал во 16:54 часот, по вкупен лет од 2 часа и 53 минути.
United Airlines испрати официјално известување до патниците, во кое се наведува дека причината за пренасочувањето е „неочекуван проблем на екипажот кој бара замена на пилотот“, пренесува Aviation24. Авиокомпанијата им обезбедила на патниците ваучери за оброк од 15 долари додека организирале замена за екипажот.
И покрај доцнењето, ситуацијата била брзо решена, а авионот повторно тргнал од SFO за Шангај во 21:01 часот. Авионот пристигнал во Кина приближно шест часа подоцна од планираното.
© Vecer.mk, правата за текстот се на редакцијата
