Откако го отстраниле паркетот, откриле дупка длабока шест метри, обложена со камен, чие потекло и намена не се познати!
„Штом ѕирнав во длабочините на бунарот, знаев дека открив нешто посебно, што вреди да се зачува“, рекла Џенис.
Парот решил да го зачува бунарот, па во него поставиле сини светла, додека влезот е покриен со дебело стакло, пренесува Daily Star.
На мрежите се појавија видеа од дупката откриена во куќата, во американската сојузна држава Мејн.
Се верува дека е дел од познатата „Подземна мрежа“, која Афроамериканците ја користеле за да избегаат од ропството во 19 век.
Луѓето користеле таен систем од тунели, пештери и засолништа за да избегаат во државите каде ропството било забрането или во Канада.
„Ова е прекрасен начин да се зачува, заштити и прикаже дел од историјата. Браво“, напишал еден корисник на Инстаграм.
© Vecer.mk, правата за текстот се на редакцијата
