Рачно изработените чоколадни производи „Alyan Dubai“, кои се продаваат во синџирот „Aldi Sud“, станаа вистински хит откако се појавија во продажба во декември.
Десертот кој во светот стана познат како Дубаи чоколадо благодарение на „TikTok“ е комбинација од кремаст ф'стаци, крцкав кадаиф и чоколадо.
Но, окружниот суд во Келн издаде привремена забрана против ланецот супермаркети „ Aldi Sud “ да го продава производот, тврдејќи дека името е погрешно бидејќи десертот всушност бил произведен во Турција, а „Aldi“ морал да престане да продава „Дубаи чоколадо“.
Производот може да биде означен како Дубаи чоколадо во Германија само ако е произведен во Дубаи или има географска врска со него.
Тужбата пред судот ја поднесе увозникот на кондиторски производи Андреас Вилмерс, кој продава производи од брендот „Fex“ од Дубаи во Германија.
Во декември, Вилмерс ги пријави „Lidl“ и производителот на чоколади „Lindt“ поради истата причина. Одлуката на судот сè уште не е правно обврзувачка и „ Aldi Sud “ има право на жалба.
Извор: Индекс.хр
© Vecer.mk, правата за текстот се на редакцијата
