Израелските министерства за енергетика и финансии, како и Националната електроенергетска компанија, објавија дека е финализиран договорот за изградба на најголемата соларна електрана во Израел, која ќе биде извор на најевтина електрична енергија.
Електраната ќе има капацитет од 265 мегавати, додека киловат-час електрична енергија што ќе ја произведува ќе чини само два центи.
Сончевата електрана ќе ја гради компанијата „EDF renewable energy sources“, а ќе биде лоцирана во градот Димона, во пустината Негев.
Електраната ќе се простира на површина од 740 ари, а се очекува нејзината изградба да започне веднаш и да трае околу две години.
Сончевата електрана ќе работи според моделот на приватно-јавно партнерство, а компанијата одговорна за нејзината изградба и одржување ќе биде одговорна за електраната во период од 25 години, по што овој објект ќе биде предаден на државата.
© Vecer.mk, правата за текстот се на редакцијата
