Голем и интензивен топлински бран ќе го зафати поголемиот дел од Европа оваа недела. Огромна маса на жежок воздух потекло од Сахара веќе се позиционираше над Пиринејскиот Полуостров и се прошири кон јужна и западна Франција, носејќи нагло прекувремено затоплување.
Според метеоролошките прогнози, овој топол бран до средината на неделата ќе се прошири североисточно низ континентот, а веќе од петок екстремно високи температури се очекуваат во Германија, Италија, Чешка, но и ширум Балканот, пишува „Гардијан“ (The Guardian).
Метеоролозите предупредуваат дека ова е продолжение на низата од невообичаено рани топлински бранови кои почнаа да соборуваат рекорди уште пред официјалниот почеток на летото. Моќен силен антициклон (гребен на висок притисок) прво ќе донесе температури над 30 °C во Париз, кои до четврток и петок ќе кулминираат до пеколни 35 °C и 36 °C, што е за неверојатни 10 до 15 степени над просекот за средината на јуни.
Оваа суптропска воздушна маса ќе се задржи подолго време, потенцијално сè до следниот викенд и почетокот на идната недела.
Ова не е прв екстремен бран за годинава. Кон крајот на мај, Европа веќе се соочи со температурни шокови:
- Во Обединетото Кралство беа измерени рекордни 35,1 °C во Лондон.
- Во португалскиот град Мора термометарот покажа дури 40,3 °C, со што беше соборен националниот рекорд за месец мај.
© Vecer.mk, правата за текстот се на редакцијата
