Бројот на сексуални партнери е долго време предмет на дебата, а луѓето често биле оценувани поради нивното сексуално минато - при што жените почесто биле цел на негативни коментари.
Во 2023 година, YouGov објави податоци според кои жените имале просечно три, а мажите пет сексуални партнери. Ново истражување на Love Honey подетално ги разгледа ставовите за „идеалниот“ број и покажа кому му е важна темата на прво место.
Бројот на партнери е поважен за жените отколку за мажите
Иако често се сметаше дека мажите „копаат“ повеќе во сексуалното минато на нивниот партнер, ова истражување сугерира спротивното.
Имено, 27 проценти од анкетираните жени рекле дека бројот на партнери им е важен, додека 22 проценти од мажите го рекле истото. Секс терапевтката и терапевтката за врски Анабел Најт смета дека причината може да бидат општествените очекувања.
„Фактот дека малку поголем процент од жените сè уште велат дека бројот на сексуални партнери им е важен може да има врска со културните очекувања или претходните искуства што ги обликуваат личните граници. И тоа е во ред - секој има право на она што го сака“, рече таа.
„Идеален“ број: од три до пет
Кога зборуваа за „идеалниот“ број, одговорите беа доста слични. И мажите и жените, без оглед на сексуалната ориентација, најчесто избираа опсег од три до пет сексуални партнери. Најт вели дека е интересно да се види колку добро се совпаѓаат ставовите.
„Ова покажува дека сè повеќе луѓе се оддалечуваат од осудувањето и стигмата поврзани со броевите и го префрлаат фокусот на она што навистина е важно - квалитетот на врската што ја имаат сега. Секако, личните граници се важни и нормално е некој да има преференции кога станува збор за минатото на својот партнер. Клучот е отворена комуникација: знајте што ви одговара и кажете го искрено, без срам или притисок.“
Генерациски разлики
Истражувањето покажа и разлики меѓу генерациите. Членовите на генерацијата Z најмногу преферираат партнери со еден до двајца поранешни партнери, додека миленијалците имаат тенденција да бидат во опсегот од три до пет. Генерацијата X и генерацијата бејби бум се покажаа како најмалку загрижени - пет до десет поранешни партнери се поприфатливи за нив.
Најт го објаснува ова со влијанието на околината: „Помладите генерации како Генерацијата Z растат во дигиталното доба, каде што споредбите се постојани, а излегувањето со нов pпартнер понекогаш се чувствува како трговија“, рече таа.
„Од друга страна, постарите генерации имаат сложени и долгорочни искуства зад себе, па за многумина бројот на партнери повеќе не е пресуден. Ова ни покажува дека сексуалната отвореност не оди секогаш рака под рака со возраста. Самодовербата, комуникацијата и емоционалната зрелост растат со текот на времето, а со тоа често доаѓа и поздрава перспектива за тоа што е навистина важно во врската“, заклучи таа.
© Vecer.mk, правата за текстот се на редакцијата
