Ако имате кожна јакна, панталони или некое друго парче кожна облека, сигурно сте се двоумеле како правилно да го исчистите.

Кожните јакни изработени од преработена кожа најдобро да ги искчистите со марамчиња и креми. Може да се користи и памучна крпа и сапуница, но не и вода. Платното не треба да биде многу влажно, само лесно да се направи пена и потоа се трие кожата. Потоа исплакнете ја сапуницата со друга влажна крпа. Никогаш не плакнете со вода, секогаш користете влажна крпа или влажни марамчиња. Конечно, кога ќе се исуши, ставете заштитен крем за кожа.

За чистење на ракавици, чевли и слични производи од необработена кожа се користи друг метод.

И за ова, најдобро е да користите специјални препарати направени за тој тип на кожа. Прво, истријте ја кожата со сапун користејќи влажна крпа. Потоа, пената се отстранува со чиста крпа. Потоа, за да се заштити кожата од пукање, се мачка со парафин или некое друго масло.