Европската комисија ја одобри продажбата на домашните штурци (acceta domesticus) како нова храна во ЕУ.
Така, домашниот штурец стана третиот инсект одобрен за консумација во ЕУ по исушениот жолт црв и скакулецот преселник.
Комисијата наведува дека домашниот штурец ќе биде достапен на пазарот на ЕУ во целост, замрзнат или сушен и во форма на прав.
Претходно, Европската агенција за безбедност на храна заклучи дека потрошувачката на овој инсект е безбедна во согласност со методите на употреба што ги дава производителот.
Производите што ја содржат оваа нова храна ќе бидат соодветно означени за да се истакнат сите потенцијални алергиски реакции.
Во Брисел наведуваат дека Организацијата за храна и земјоделство ги наведува инсектите како хранлив и здрав извор на храна со висока содржина на масти, протеини, витамини, влакна и минерали.
Се додава дека инсектите се веќе значаен дел од секојдневната исхрана на стотици милиони луѓе ширум светот и може да се идентификуваат како алтернативен извор на протеини што би го олеснил преминот кон поодржлива исхрана во Европа.
© Vecer.mk, правата за текстот се на редакцијата
