Министерката за комуникации Меутја Хафид изјави дека оваа акција е дел од силната решеност на владата да го искорени онлајн коцкањето, кое им штети на јавноста и на економијата, пренесува VNA.
„Сакаме да се осигураме дека сите финансиски текови од нелегални активности, како што е онлајн коцкањето, се целосно прекинати“, рече Хафид, објави индонезиската агенција Антара.
Таа изјави дека блокираните сметки се идентификувани преку сајбер патроли и извештаи доставени од граѓаните до нејзиното министерство.
Хафид додаде дека оваа мерка претставува координиран напор меѓу министерствата и агенциите за сузбивање на онлајн коцкањето со затворање на финансиските канали меѓу корисниците и операторите на коцкање.
Таа ја повика јавноста да пријавува сомнителни сајтови за коцкање и банкарски сметки преку официјални платформи за жалби. Од 20 октомври 2024 година до 16 септември 2025 година
Министерството обработи повеќе од 2,1 милиони содржини поврзани со онлајн коцкањето во дигиталниот простор на Индонезија, изјави директорот на Генералната администрација за надзор на дигиталниот простор, Александар Сабар.
© Vecer.mk, правата за текстот се на редакцијата
