Потребни се неколку потези за да се отстранат тврдоглавите дамки.
Овој метод за чистење на рерната, за кој многумина тврдат дека е поефективен од сода бикарбона и оцет или силни средства за одмастување и перничиња, веднаш ќе ги отстрани маснотијата и нечистотијата од вратата на вашата рерна, и стаклениот дел и металната рамка.
Се што ви треба за овој трик е таблета (или две) за машина за миење садови и сад со топла вода. Користете само таблети со компримиран прав, не таблети со гел.
Ставете ја таблетата во водата и држете ја доволно долго за да апсорбира дел од водата, но не премногу долго за да се распадне. Потоа едноставно тријте ја вратата со таблетата, не е потребен сунѓер! Користете ја дланката за да ја движите таблетата со кружни движења за да ги отстраните дамките и маснотиите.
Ако таблетата почне да се суши, вратете ја во водата. Овој трик е одличен за чистење на стаклото од вратата на рерната, но е ефикасен и за метална рамка, можеби ќе треба само да притискате повеќе. Кога ќе завршите, избришете ги остатоците од таблетите и нечистотијата со влажна крпа.
Таблетите за машини за миење садови се направени од концентрат од детергент, поради што ја отстрануваат и најтврдоглавата маснотија и ги оставаат садовите сјајни. Овие моќни состојки делуваат и на маснотии и дамки од печена храна што остануваат во рерната.
Покрај тоа, таблетите имаат абразивна површина која ги чисти и најтешките дамки, но се доволно нежни за да не го изгребат стаклото на вратата од рерната.
© Vecer.mk, правата за текстот се на редакцијата
