Колку пати сте се почувствувале уморни, подуени или сте изгубиле концентрација после оброк, иако сте „изеле нешто конкретно“? Можеби проблемот не е во количината на храната, туку во нејзиниот состав, поточно во начинот на кој сте ги комбинирале протеините и јаглехидратите.
Правилното спарување на овие макронутриенти може да има големо влијание на нивото на енергија, ситоста, па дури и на стабилноста на шеќерот во крвта. Еве како да ги балансирате вашите оброци за тие всушност да ви дадат сила, а не да ве заспијат.
Зошто е важна комбинацијата?
Јаглехидратите се главниот извор на енергија за организмот, но ако ги јадеме сами (особено едноставните, како бел леб или слатки), доаѓа до нагло покачување на шеќерот во крвта, а потоа и брзо опаѓање. Предизвикува чувство на замор, глад веќе по еден час и промени во расположението.
Протеините, од друга страна, го забавуваат варењето и помагаат постепено да се ослободува енергија. Кога ќе ги споите со сложени јаглехидрати, добивате стабилен извор на гориво што трае подолго – без „енергетски слајдови“.
Како да ги комбинирате во секојдневните оброци
1. Појадок
Наместо: тост со џем
Пробајте: интегрален тост со јајца и авокадо
Протеини од јајца + сложени јаглехидрати од интегрален леб = стабилна енергија до ручек
2. Ужина
Наместо: само банана
Пробајте: банана + лажица путер од кикирики
Јаглехидрати од овошје + здрави масти и протеини = подолго чувство на ситост
3. Ручек
Наместо: тестенини со сос
Пробајте: Тестенини од цели зрна со печен зеленчук и пилешко или наут
Оброкот е избалансиран и заситен, без чувство на тежина
4. Вечера
Наместо: супа и леб
Пробајте: кремаста супа од зеленчук + додадете наут, тофу или варено јајце
Додавањето протеини во вечерните оброци може да го подобри закрепнувањето и да го спречи вечерното грицкање
Уште неколку практични совети
Во чинијата имајте секогаш нешто од протеинската група (јајца, риба, мешунки, тофу, јогурт...) и нешто од групата сложени јаглени хидрати (киноа, интегрален ориз, сладок компир, овес...).
Не заборавајте на влакна. Зеленчукот и интегралните житарки дополнително го забавуваат варењето и го подобруваат балансот на шеќерот во крвта.
Избегнувајте оброци кои се само од една група – ниту протеините ниту јаглехидратите сами не ја вршат најдобрата работа.
Правилната комбинација на протеини и јаглени хидрати не мора да биде комплицирана. Доволно е малку свесност за тоа што ставате во вашата чинија. Резултат? Повеќе енергија, помалку потреба за грицки и тело кое се чувствува стабилно и поддржано во текот на денот.
© Vecer.mk, правата за текстот се на редакцијата
