Многумина веќе го планираат својот одмор, а на листата посакувани дестинации им е Дубровник. Сепак, секој што планира да го посети стариот град на овој јадрански бисер треба да биде подготвен за едно важно правило - забраната за користење куфери со тркала!
Нови правила во Дубровник поради бучава
Имено, градските власти на Дубровник одлучија да го забранат тркалањето куфери низ тесните улички поради бројни поплаки за бучава од локалното население. Наместо тоа, туристите ќе мораат:
- да ги носат во раце
- или да користат специјални услуги за превоз на багаж што ги нудат индивидуалните хотели и агенции
Градоначалникот Мато Франковиќ истакна дека оваа мерка е дел од поширок план за зачувување на квалитетот на живот на жителите на стариот град.
Дубровник воведува ред меѓу туристите
Забраната за тркалање куфери не е единствената новина. Дубровник веќе некое време спроведува голем број мерки за регулирање на однесувањето на туристите и заштита на културното наследство:
- Ограничен број на крузери што можат да се закотват дневно
- Забрана за одење без маица во јавност
- Забрана за качување по споменици
- Мерење и контрола на бучавата од угостителските објекти
Новите законски измени им овозможија на локалните власти независно да ја санкционираат бучавата, што претходно беше одговорност на санитарната инспекција.
СОВЕТ: Подгответе се за локалните правила и почитувајте ги. Иако можеби звучат строги, мерките се воведени со цел градот да остане пријатно и зачувано место и за туристите и за локалното население.
© Vecer.mk, правата за текстот се на редакцијата
