Црвено ферари кое се залетало и удрило во излог на улица направило голема штета во општината Санта Хулија де Лорија. Италијанскиот суперавтомобил и за денешни време има импресивни перформанси.
Локалните медиуми објавија дека автомобилот со голема брзина поминал покрај трговскиот центар, удрил во бариера на улицата, преминал повеќе ленти и пробил голем излог. Се верува дека брзината е главен фактор за несреќата, а истрагата на полицијата е во тек.
Зад воланот на ферарито бил 82-годишен возач, додека на совозачкото седиште била неговата 59-годишна жена.
Инаку, станува збор за егзотичен класичен примерок на ферари од 1992 година, подобрена верзија на култното ферари тестарос кое е произведено во 2.261 примерок. Неговиот 4,9-литарски мотор со 12 цилиндри има 428 КС и 491 њутн метри, а до 100 километри на час забрзува за 4,8 секунди. Неговата максимална брзина е 314 километри на час.