Брадата не е само стил, за многу мажи таа е дел од нивниот идентитет, симбол на мажественост или дури и начин да се изразат. Меѓутоа, моментот кога ќе одлучат да се избричат по долгогодишно носење долга брада, често не е само физичка трансформација, туку и емотивно искуство, како за нив, така и за луѓето околу нив.
Одлуката за бричење на брадата, особено по подолг период, може да предизвика бројни реакции - од сопствено изненадување до шокираните изрази на лицата на најблиските.
Овој маркантен црномурест маж, познат по својот уникатен стил и тетоважи, решил да направи изненадување кое неговата сопруга вечно ќе го памети. По десет години брак, тој за прв пат ја избричил брадата, откривајќи лице кое неговата сопруга досега не го видела.
Овој храбар чекор бил резултат на желбата да ја промени својата рутина и да ја изненади својата партнерка која цел живот го познавала само со густа брада.
-Брадата отсекогаш била дел од мојот идентитет, но сакав да видам како ќе реагира сопругата кога ќе ме види без неа. објаснил тој со видеото.
Реакцијата на жената била драматична и сосема неочекувана. Кога ја отворила вратата и го видела, шокирана застанала покривајќи ја устата со рацете. Инстинктивно се вратила чекор назад, како пред неа да стои странец, а не нејзиниот сопруг. Како да не можела да го препознае на почетокот. Делувало дека таа гледа во сосема друга личност, а не во нејзиниот сопруг.
За среќа, промената на изгледот била полн погодок. Неговата трансформација не само што предизвикала смеа и изненадување, туку донела и освежување во нивниот брак.
© Vecer.mk, правата за текстот се на редакцијата
