Во вторник, крузерот „Скарлет Лејди“ на компанијата „Вирџин Војаџис“ вплови во пристаништето Гаженица, кое ќе остане во Задар до 17 часот. Бродот пристигна во Хрватска по застанувањето во Дубровник, а претходно ги посети Грција и Црна Гора.
„Скарлет Лејди“ привлече големо внимание во последните денови откако му беше забранет влез во одредени пристаништа во Турција и Египет поради тематските ЛГБТК+ патувања што ги организира, објавува „Вечењи лист“.
Според достапните податоци, на бродот има околу 2.500 патници, а како што неофицијално дознава порталот 023, меѓу нив е и познатата бродвејска ѕвезда Пати Лупон.
Станува збор за луксузен крузер долг 277 метри кој за прв пат исплови во 2021 година, откако неговата презентација беше одложена поради пандемијата на коронавирус. Бродот плови под знамето на „Вирџин Војаџис“ и е наменет исклучиво за возрасни патници, над 18 години.
„Скарлет Лејди“ има повеќе од 1.400 патнички кабини, има 17 палуби и може да смести повеќе од 2.700 патници и околу 1.160 членови на екипажот.
© Vecer.mk, правата за текстот се на редакцијата
