На интернационалниот фестивал „Браќа Манаки 2022” ќе се прикажува премиера на краткометражниот филм „Бесценета” во режија на Дејан Јованов и сценарио на Мона Паскалова.
Улогите во оваа интересна филмска приказна ги толкуваат - Александар Микиќ, Игор Ангелов, Пируника Киселички, Синоличка Трпкова, Ивица Димитријевиќ, Аксел Мехмет, Милан Тоциновски и други. Композитор на музиката, инаку напишана за филмот во рамките на The Living Music Project, 21 Cinedays, 2022, е Глигор Кондовски. Голема благодарност до Дарија Андовска којa беше ментор на проектот The Living Music Project и со чија помош е реализирана музиката. Кинематографер на филмот е Драгољуб Николовски, шминката е дело на Небојша Пешевски, костимографијата е на Жаклина Крстевска- Караѓозовска, додека сценограф е Сашо Блажевски. Продуцент на филмот е Душан Ефремов, монтажата е на Драган Спасов, а дизајнот на звук е на Ристо Алчинов.
Филмот е во продукција на Блу Клауд- Филм и Медиа, финансиран од Агенцијата за филм на Северна Македонија. Премиерата е закажана за понеделник (22.8.2022) со почеток во 20:30 часот во Офицерскиот дом.
© Vecer.mk, правата за текстот се на редакцијата
