Приказната за двајца близнаци кои биле разделени при раѓањето, но живееле речиси идентичен живот, и покрај тоа што никогаш не се виделе или слушнале еден со друг, и по децении продолжува да ја интригира светската јавност.
Повторно заедно по 39 години
Близнаците Џим Луис и Џим Спрингер биле дадени на посвојување како бебиња и израснале во посебни домови оддалечени 65 километри во Охајо, САД. Дури кога наполниле 39 години, конечно се обединиле - само за да откријат дека практично го живееле истиот живот, пренесува Mirror.
Близнаците се родени во 1940 година, а чудните сличности започнале кога нивните посвоители го избрале истото име за двете бебиња. Затоа се познати како Џим Твинс, но сличностите не застануваат тука.
Сè е исто, само двојно
И двајцата близнаци пораснале со полубрат по име Лери и куче по име Тои. Како што старееле, и двајцата се обучувале за спроведување на законот.
Можеби најчудно од се е што и двајцата се венчале двапати, а двете сопруги го носеле истото име. Првите сопруги се викале Линда, додека во вториот брак и двајцата избрале сопруга со исто име - Бети. Џимс имаат и синови по име Џејмс Алан и Џејмс Алан.
Близнаците споделуваат многу особини на личноста, а на училиште и двајцата претпочитале столарија и математика, додека правописот не им бил силна страна. Двајцата биле пушачи, страдале од мигрена и возеле шевролет.
The Jim twins were separated at birth and reunited at 39.
— Fascinating (@fasc1nate) January 29, 2024
They quickly found that they had lived oddly similar lives.
Both had married and divorced someone named Linda, were currently married to a Betty, had sons named James Allan, had dogs named Toy, drove the… pic.twitter.com/lCwnkofMIv
Една единствена разлика
Но, има и една разлика меѓу нив - додека Џим Луис знаел дека има биолошки брат, на Џим Спрингер му било кажано дека неговиот близнак умрел како бебе. Браќата не се сретнале додека првиот не добил информација за својот брат од судот во Охајо и отишол да го посети.
Откако Џим Луис почнал да го бара своето биолошко семејство, пред се за да го запознае својот одамна изгубен брат, тие за прв пат се сретнале во 1979 година пред камерите на „Фил Донаху шоу“ и целосно ја плениле јавноста.
Иако Џим Спрингер не знаел дека неговиот брат е жив, тој признал дека чувствувал „празнина“ додека растел. Близнаците на крајот биле регрутирани за психолошко истражување од д-р Томас Бушар од Универзитетот во Минесота, кој открил дека нивните медицински истории, тестовите за мозочни бранови и тестовите на личноста се практично идентични.
Луѓето на социјалните мрежи беа запрепастени од приказната која неодамна повторно се појави на Reddit. Едно лице напиша: „Прочитав толку многу студии за близнаци кои живеат сличен живот, но се разделени при раѓањето. Ова се неверојатни сличности“, додека друг додал: „Фасциниран сум од ова, навистина неверојатно“.
© Vecer.mk, правата за текстот се на редакцијата
