Тој го подготвувал леталото за полетување, но пилотот не го забележал и почнал да „таксира“ на пистата. Несреќниот млад човек завршил под предната опрема за слетување.
Хасанов бил пренесен во локална болница и опериран, а лекарите морале да му ампутираат една нога.
Сега решил да раскаже што се случило кобниот ден на аеродромската писта, пренесува The Sun.
„Огромното тркало ми помина преку ногата и застана. Почувствував како ми се кршат коските. Цело време бев свесен, додека седум минути лежев под авионот“, рекол тој.
Младиот човек објаснува дека изгубил многу крв, и дека раскажал што се случило во брзата помош. Потоа се онесвестил.
Тој се освестил пет дена подоцна, бидејќи бил во индуцирана кома.
„Се разбудив и погледнав наоколу. Не личеше на рајот. Ме сместија на одделението за интензивна нега, а мајка ми беше покрај креветот. Не ме фати паника“, додаде тој.
Хасанов вели дека знаел дека „нема надеж“ за неговата нога, но дека е среќен што е жив.
По истрагата, за инцидентот е обвинет пилотот на Ербас А320 тежок 78 тони. Поради оваа причина, жртвата добила отштета од 16.000 фунти.
Младиот човек се уште е вработен на истиот аеродром, се подготвува да му постават протеза на ногата и да се врати на работа.
© Vecer.mk, правата за текстот се на редакцијата
