Цените на сместувањето варираат од апартмани во кои можете да платите само 10 до 15 евра од ноќ, до луксузни одморалишта каде ноќевање чини повеќе од 500 евра.
Имено, Маурициус е на листата на желби на многу наши граѓани, а оваа дестинација неодамна ја посети и блогерката за патувања Зорица Недељковиќ.
Маурициус: Какви се нејзините искуства?
Таа откри колку пари се потребни за ова патување, а изјави и дека патувањето во овој рај не е толку скапо како што многумина мислат.
„Вистината е сосема поинаква. Овој пат земавме пакет преку агенција, бидејќи авионската карта за периодот кога сакавме да одиме до повеќето дестинации е прескапа. Аранжманот вклучуваше ноќевања, повратен авионски билет, полупансион и пет екскурзии, а цената беше 1.450 евра“, откри Зорица.
Трошоци за патување
Таа потоа изјави колкава би била пресметката доколку оделе сами.
„Да одевме сами само еден месец порано, пресметката ќе изгледаше вака. Можете да најдете авионски билет за само 500 евра. Треба да бидете флексибилни со датумите, што овојпат не беше опција за нас, бидејќи ние навистина не бираме кога ќе се родиме. Цените на сместувањето варираат во зависност од апартманот во кој може да платите ноќевање од 10 до 15 евра, па до луксузни ресорти во кои може да платите ноќевање и до 500 евра. За Маурициус е потребна виза. Се добива на аеродром и е бесплатна, раскажа таа.
Таа додаде дека цените на сувенирите варираат и се високи.
„Најдобрата понуда е на маркетот во градот и се ценкате. Магнет кој чини 7 евра за само 2 евра, капа за 6 евра, шешир за 8. Овошјето е многу поволно, секогаш е свежо и вкусно, така што 3 банани се 50 центи, цел ананас, излупен, чини 2 до 3 евра, папаја 2 евра. Цените за оброците во ресторан се околу 10 евра, додека има и еден куп киосци за брза храна каде порција нудли чини само 2 евра, сендвич сп пилешко чини 4 евра“, рече Зорица.
© Vecer.mk, правата за текстот се на редакцијата
