Старечките дамки се естетски проблем кој може да биде многу непријатен, но генерално не се опасни по здравјето.
Сепак, тие понекогаш може да укажуваат на внатрешни неправилности во телото. Oбично се јавуваат кај луѓе на возраст над 40 или 50 години, имаат овална форма и се појавуваат на делови од телото кои често се изложени на сонце – како што се лицето, рамената, подлактиците, грбот и нозете. Најчесто се кафеави, црвени или сиви.
Причината за пигментацијата е губење на способноста за регенерација под влијание на директна сончева светлина. Сепак, овие пеги можат да се појават на која било возраст под влијание на бројни фактори.
• Генетска предиспозиција
• Хормонална нерамнотежа за време на бременоста, долготрајна употреба на хормонски контрацептиви или менопауза
• Прекумерно сончање
• Авитаминоза со недостаток на витамин Ц
• Заболувања на црниот дроб
• Ендокрини нарушувања
• Употреба на неквалитетна козметика
• Оштетување на кожата при депилација или лупење
• Земање антибиотици
• За да се отстранат старечките дамки, многу е важно да се знае причината за нивното формирање.
Како да се отстранат старечките дамки?
Постојат неколку начини на кои можете да ги отстраните старечките дамки. Сепак, пред да започнете со третмани, консултирајте се со лекар за да ја утврдите причината за нивното појавување.
Постојат неколку фармацевтски препарати кои можат значително да ја намалат пигментацијата:
• Креми за осветлување
• Масти за белење
• Раствор на водород пероксид
За да се видат резултати, неопходно е овие препарати да се користат две до четири недели.
Покрај тоа, можете да се одлучите за салонски козметички процедури кои мора да ги изврши експерт:
• Фототерапија – ласерско обновување на површината
• Ултразвучен пилинг
• Хемиски пилинг со овошни киселини
• Мезотерапија – коктели со витамин Ц се користат за осветлување на кожата
Потребната процедура и бројот на третмани ќе ги определи специјалистот врз основа на резултатите од дерматолошкиот преглед. Резултатот од овие постапки е забележлив и доста стабилен.
Во секој случај, пред да користите какви било препарати, задолжително консултирајте се со лекар, дерматолог или специјалист за козметика. Неопходно е да го знаете типот на вашата кожа и причината и видот на пегите за да може третманот да биде успешен. Во спротивно, може да ја оштетите вашата кожа, што дефинитивно не е нешто што го сакате.
© Vecer.mk, правата за текстот се на редакцијата
