Починa познатиот активист, хуморист, новинар и публицист Рамуш Муарам – Цирко, извести Рома Прес. Колегите од медиумот велат дека е загубен силен глас на човек со храброст, дух и вистина во секој збор.
„Неговото дело и посветеност ќе останат засекогаш врежани во нашата заедница. Ќе ни недостасува, но никогаш нема да биде заборавен“, пишуваат од Рома Прес.
Муарем подолг период се борел со болест, а зад себе остава значаен белег во медиумскиот и јавниот живот.
Информацијата за неговата смрт ја сподели и Габриел Бајрам, син на поранешниот политичар Амди Бајрам, кој се прости со емотивна порака.
© Vecer.mk, правата за текстот се на редакцијата
