Пивото на Октоберфест повторно ќе поскапи, а на овогодинешниот фестивал литар ќе чини помеѓу 14,50 и 15,80 евра, објави денес градот Минхен.
Ова е во просек за 3,52 проценти повеќе од минатата година, кога литар чинеше помеѓу 13,60 и 15,30 евра, а безалкохолните пијалоци исто така ќе поскапат.
Како организатор на фестивалот, градот проверува дали цените пресметани од угостителите се соодветни и ги споредува со цените на големите угостителски објекти во Минхен, каде што литар пиво моментално чини 7,70 и 13,40 евра.
Пивото на Октоберфест е посебно и има околу шест проценти алкохол.
Дополнително, угостителите сносат трошоци за поставување и расклопување на шатори во текот на двете фестивалски недели, како и за настапи во живо.
„Организаторите внимателно ги проценија цените и ја земаа предвид инфлацијата“, изјави портпаролот на угостителството, Петер Инселкамер.
Од 2004 година, цените на пивото на фестивалот се зголемија приближно двојно, бидејќи пред 20 години еден литар чинеше помеѓу 6,70 и 7,10 евра.
Овогодинешниот Октобарфест започнува на 20 септември и ќе трае до 5 октомври. Се смета за најголем фолклорен фестивал во светот, а минатата година имаше околу 6,7 милиони гости.
© Vecer.mk, правата за текстот се на редакцијата
