Можеби знаете дека тестостеронот е главниот машки полов хормон. Можеби сте свесни за можноста дека имате низок тестостерон или „низок Т“. Мажите со низок тестостерон можат да доживеат симптоми како што се ниско либидо (намален сексуален нагон), еректилна дисфункција (ЕД), депресија и замор.
Брзо пребарување на интернет може да открие мноштво природни и билни лекови за зголемување на нивото на тестостерон, од кои еден е чајот од коприва.
Што е коприва?
Копривата е плевел што расте низ Северна Америка, Европа, Северна Африка и некои делови од Азија. Научниците ја нарекуваат копривата по нејзиното поелегантно научно име, Urtica dioica, додека кај нашиот народ е позната и како журка. Секако, бидејќи нејзиниот лист е покриен со ситни влакненца, кои на допир предизвикуваат непријатно чувство на печење, а во некои случаи и осип што може да трае до 12 часа. Тие ситни влакненца содржат мравја киселина и хистамин.
Сепак, различни култури ја користат копривата како билен лек повеќе од 2000 години, првенствено во форма на чај и тинктури, а многу народи ја јадат, или во супа или како додаток на пченкарно брашно (качамак, проја).
Придобивки од копривата
Позната како најдобра билка за чистење и подобрување на крвта, копривата има антибактериски, антивирусни, антиинфламаторни, диуретични својства, ја намалува болката и го запира крварењето. Со забрзување на излачувањето на течностите од телото, влијае и на регулирањето на крвниот притисок. Ја стимулира работата на црниот дроб и панкреасот, помага при орални инфекции (гингивитис и ангина), како и кај болести како што се егзема, акни и прекумерно опаѓање на косата. Копривата придонесува за регулирање на нивото на шеќер во крвта, помага при несоница и нервоза. Студиите покажаа дополнителни придобивки од копривата, како што се подобрување на здравјето на уринарниот тракт и простатата и намалување на болките во зглобовите кај оние со остеоартритис.
Покрај тоа, науката докажа дека е моќен афродизијак и го зголемува нивото на тестостерон.
Како копривата го зголемува тестостеронот?
Па зошто толку многу возбуда околу копривите поради тестостеронот? За да го разбереме ова, треба да ги разгледаме истражувањата за бенигна хиперплазија на простатата (БХП), попозната како зголемена простата.
БПХ е неканцерозна состојба каде што расте простатата. Кога ова ќе се случи, може да доведе до симптоми како што се проблеми со мокрење, зголемена фреквенција или итност, па дури и болка при мокрење. Во принцип, доста здодевни работи.
Бидејќи копривата се користи со години за ублажување на уринарните симптоми, истражувачите беа природно заинтересирани да видат дали оваа билка (или нејзините соединенија) може да помогне кај симптомите на БПХ.
Ароматаза ензим и тестостерон од коприва
Резултатите од студиите од 90-тите години покажаа дека екстрактот од корен од коприва содржи инхибитори на различни фактори вклучени во БПХ, објави Hims.com.
Поточно, докажано е дека растението содржи хемикалии кои ги инхибираат ароматазните ензими (вклучени во производството на естроген) и лигнани (хранливи соединенија со својства слични на естроген) кои се врзуваат за протеин наречен глобулин што врзува полови хормони (SHBG).
Ароматазните ензими го претвораат тестостеронот во естроген. Во меѓувреме, SHBG се врзува за половите хормони, вклучувајќи го и тестостеронот, спречувајќи ги да бидат активни. Всушност, се проценува дека 55 проценти од тестостеронот кај здрави мажи е врзан за SHBG.
Коренот од коприва може да блокира два фактори кои можат да влијаат на нивото на тестостерон. Ова, пак, може да доведе до зголемување на нивото на слободен тестостерон.
Студија од 2015 година ги испитуваше ефектите од екстракт од корен од коприва даден орално кај стаорци со БПХ. Се чини дека третманот спречил некои од ефектите на БПХ. Стаорците на кои им бил даден корен од коприва, исто така, имале мало (но статистички значајно) зголемување на нивото на тестостерон во споредба со контролната група.
Друга студија од 2014 година, овој пат врз глувци, покажа дека изложеноста на никотин ги намалува нивоата на тестостерон. Сепак, екстрактот од коприва се чинеше дека го поништува овој ефект, зголемувајќи ги нивоата на тестостерон.
Конечно, авторката на текстот, Кели Браун, медицински советник, препорачува консултација со лекар, бидејќи долготрајната консумација на коприва (без разлика дали е како чај или додаток) може да има некои несакани ефекти, како што се гадење, надуеност, а во ретки случаи и главоболки.
© Vecer.mk, правата за текстот се на редакцијата
