Вчера вечер беше заловен „волк“ кој слободно се движел со синџир и каивче околу вратот во скопската населба Козле.
Денеска, откако беше однесен во карантин во Зоолошката градина во Скопје, е утврдено дека сепак се работи за куче од расата волчјак.
„Волкот“ уште кога беше заловен, не покажуваше знаци на агресивнбост, карактеристични за диво животно. Подоцна се дозна дека кучето е микрочипирано и се вика Сириус.
На терен прво интервенирале припадници на МВР, а веднаш потоа и стручни екипи од Зоолошката Градина и претставници на Градот. Животното било заловено и безбедно транспортирано во просториите на Зоолошката во Скопје.Од Зоолошката градина информираат дека волкот во моментов е згрижен и ќе му биде овозможена соодветна нега.„претстојниот период волкот ќе биде во карантин под постојан здравствен надзор од стручни лица. За среќа, ситуацијата заврши без последици бидејќи станува збор за питомо и мирно животно“,соопштија вчера вечер од Зоолошката градина.
Од таму денеска потврдија дека сепак станува збор за куче, со што заврши скопската драма.
© Vecer.mk, правата за текстот се на редакцијата
