Мирисливи билки кои дејствуваат како природни репеленти

Доколку имате можност засадете или набавете некои од овие билки кои се ефикасни заштитници од несакани крвопијци и штетници.

Босилек

Аромата на босилек ги одбива инсектите и другите штетници благодарение на природните есенцијални масла што ги содржи. Затоа е ефикасно средство против инсекти.

Босилекот може да го намали бројот на бубачки со тоа што ќе спречи нивно размножување и населување на други растенија на вашиот балкон или во градината.

Со користење на босилек, не само што ќе уживате во неговиот вкус и арома, туку ќе добиете и природна заштита од инсекти, помагајќи им на вашите растенија да останат здрави.

Лаванда

Лавандата испушта силен мирис кој ги одбива бубачките и другите штетни инсекти поради високата содржина на есенцијални масла. Овој мирис е непријатен за инсектите, што го намалува нивното присуство во вашата градина.

Билката е способна да ги одбива мушичките и мувите поради своите природни антисептички и антибактериски својства. Привлекува корисни инсекти, како што се пчели и пеперутки, кои придонесуваат за опрашување и помагаат во одржувањето на еколошката рамнотежа во градината.

Невен

Невените испуштаат специфичен мирис што ги одбиваат стениците. Нејзините есенцијални масла имаат репелентно дејство.

Цветовите од невен можат да помогнат во контролата на популациите на штетници како што се стеници, лисни вошки и други инсекти што можат да им наштетат на вашите растенија. Невените привлекуваат и корисни инсекти, како што се пчели и пеперутки.

Лук

Лукот е моќен природен репелент и може да биде ефикасен во контролата на инсекти и други штетници на балконот или во градината. Испушта силен мирис што ги одбива стениците и многу други штетници.

Лукот има природни антибактериски и антисептички својства кои можат да помогнат во борбата против некои форми на габични и бактериски заболувања кои можат да бидат придружени со напади од штетници.

Кромид

Кромидот испушта силен мирис што ги одбива бубачките и другите инсекти. Есенцијалните масла од кромид се природен репелент. Има антисептички својства кои помагаат во борбата против бактериите и габите.

Рузмарин

Тоа не е само миризлива билка што додава вкус на јадењата, туку е и ефикасен природен лек против разни бубачки. Рузмаринот испушта силен, препознатлив мирис кој ги одбива инсектите.

Есенцијалните масла од рузмарин имаат својства за одбивање на штетници. Исто така, има антибактериски и антисептички својства кои помагаат во борбата против габични и бактериски растителни заболувања.

Хризантеми

Хризантемите испуштаат специфичен мирис кој ги одбива бубачките и другите штетници. Овој мирис им помага да се држат подалеку од растенијата.

Некои видови хризантеми содржат природни пестициди, како што се пиретрините, кои се ефикасни против многу инсекти, вклучувајќи ги и стениците.