Многу луѓе во текот на денот забораваат да пијат доволно вода, а организмот често испраќа сигнали дека му недостасува течност. Сепак, постои многу едноставен начин да проверите брзо дали вашето тело е доволно хидрирано.
Една докторка на социјалните мрежи покажа краток тест кој секој може да го направи дома. Процедурата трае само неколку секунди и може да помогне да процените дали на организмот му недостасува вода.
Како да го направите тестот за хидратација
Тестот е многу едноставен и не бара посебна опрема. Потребно е само благо да ја стиснете кожата на горната страна на дланката, во пределот на зглобот на средниот прст. Откако ќе ја подигнете кожата со прстите, пуштете ја и набљудувајте како реагира.
Ако кожата веднаш се врати во првобитната положба, тоа значи дека организмот веројатно е добро хидриран. Меѓутоа, ако кожата остане кратко подигната и побавно се враќа на место, тоа може да биде знак дека телото му недостасува течност.
Зошто кожата може да открие недостаток на вода
Овој метод е познат како тест за еластичност на кожата. Кога телото има доволно течност, кожата е еластична и брзо се враќа во првобитната форма откако ќе ја стискнете.
Од друга страна, кога организмот е дехидриран, еластичноста на кожата се намалува и е потребно повеќе време за да се врати во нормална положба. Токму затоа овој едноставен тест може да биде брз знак дека треба да испиете чаша вода.
Симптоми дека телото му недостасува течност
Покрај овој тест, постојат и други симптоми кои можат да укажуваат на дехидратација. Меѓу најчестите се чувство на жед, главоболка, замор, вртоглавица и сува уста.
За време на топли денови или кога сме физички активни, телото губи повеќе течности отколку вообичаено. Затоа е важно редовно да внесуваме вода за организмот да функционира правилно.
Колку вода е потребно во текот на денот
Потребната количина вода може да варира од личност до личност, но најчесто се препорачува возрасните да пијат околу 1,5 до 2 литри течности дневно.
Најважно е да го слушате вашето тело и да внесувате вода рамномерно во текот на денот, бидејќи правилната хидратација има голема улога во одржување на енергијата, концентрацијата и општото здравје.
© Vecer.mk, правата за текстот се на редакцијата
