Кога ја проверуваме хотелската соба што сме ја резервирале, обично првата ставка е дали во собата има фен. Оваа ставка е многу важна за сите за да не мора да носите фен. Оваа навидум мала работа може да се претвори во сериозен проблем, бидејќи експертите апелираат никогаш да не користите хотелски фен.
Еден од најшокантните факти е дека хотелските фенови често се повалкани од тоалетната школка! Микроорганизмите како бактерии и габи лесно се акумулираат на овие уреди бидејќи ретко се чистат.
Истражувањето на микробиологот Чарлс Герба, кое било спроведено во девет хотелски соби во Лос Анџелес, покажало дека фенот за коса содржи повеќе бактерии отколку тоалетната школка. Овие бактерии можат да предизвикаат сериозни проблеми, вклучувајќи инфекции и иритација на скалпот.
Освен хигиенски проблеми, причина за проблеми е и квалитетот на хотелските фенови. Имено, хотелите често избираат фен за коса врз основа на цената, што доведува до избор на поевтини модели кои ги немаат потребните карактеристики како контрола на температурата или технологија која го намалува статичкиот електрицитет.
Оваа несоодветна опрема може да предизвика сериозно оштетување на косата, како што се сувост, кршливост и пукање на влакното. Феновите за коса кои произведуваат високи температури без можност за прилагодување дополнително ја влошуваат ситуацијата, бидејќи можат да ги исушат природните масла од косата.
Последиците од користењето валкан фен за коса може да бидат сериозни. Д-р Џеки Мекинтош нагласува дека феновите кои не се чистат стануваат почва за бактерии и габи, што може да доведе до иритација, првут и други проблеми со косата.
Долготрајната изложеност на овие микроорганизми може да го наруши растот на косата и да предизвика разни здравствени проблеми на скалпот. Прашината и мувлата, кои често се наоѓаат во ваквите уреди, може дополнително да ја влошат состојбата на вашата коса, предизвикувајќи безживотност.
© Vecer.mk, правата за текстот се на редакцијата
