Дали јадете банани и колку често?
Познато е дека бананите не се само омилено овошје на многумина, туку и навистина здрава ужина преполна со витамини и минерали.
Тоа е хранливо ovoшје, па затоа се препорачува секогаш да го имате при рака помеѓу оброците и во случај да сте на диета или посебен режим на исхрана. Многу е добро за одржување на оптимално ниво на енергија во телото и позитивно влијае на здравјето на срцето.
Некои од придобивките од јадењето банани се: зголемено ниво на енергија, подобрена мускулна структура, го стимулира варењето и дигестивниот систем, извор е на антиоксиданси, магнезиум, витамин Ц, витамин Б6 и фолна киселина.
Меѓутоа, ако бананите често се во вашата чинија, добро е да се запознаете со ризиците кои доаѓаат со прекумерната потрошувачка.
Бананите може да бидат исклучително ризични за луѓето кои страдаат од разни алергии, како и за луѓето со астма и атопичен дерматитис. Алергија на храна се јавува кога телото открива одредена храна како закана, што резултира со чешање и промени на кожата.
Бананите се богати и со јаглехидрати и шеќер, што значително го зголемува нивото на шеќер во крвта, особено кај луѓето со дијабетес. За да го регулирате ова, препорачливо е да ги контролирате порциите и да внимавате со која храна комбинирате банани, избирајќи ги оние со висока содржина на протеини или зеленчук што не содржи скроб.
Бананите содржат калиум, па на луѓето кои имаат проблеми со висок калиум, како што се бубрежните пациенти, им се препорачува да го избегнуваат ова овошје.
Бананите содржат и олиго-фруктан, соединение кое воопшто не е погодно за лица со синдром на нервозно дебело црево, проблем кој се манифестира со болки во стомакот и надуеност.
© Vecer.mk, правата за текстот се на редакцијата
