Ева Рас ја започна својата актерска кариера во 1960-тите, играјќи главно во филмовите на Црниот бран. Во кариерата долга повеќе од шеесет години, таа одигра неколку стотици улогии е прва добитничка на актерската награда „Царица Теодора“, како и на Големиот печат за животно дело, на Југословенскиот филмски архив.
Родена е во Суботица во далечната 1941 година како Ева Марија Балаш Вагнер, од мајка Марија Балаш и татко Роберт Вагнер, унгарски Евреи а се уште игра во српските филмови и серии иако има 84 години, а годинава се очекува нејзиниот најнов филмски настап во Децата од Козара.
Актерката го привлече вниманието на помладата генерација како интернет феномен, пред се поради нејзиниот директен и провокативен говор кој ги занемарува вообичаените норми на учтиво изразување, но и поради анегдота за жестоката пресметка со Јосип Броз Тито.
Со филмот на Душан Макавејев „Љубовна афера или трагедија на вработената во ПТТ“ (1967), таа постигна светска слава и беше една од првите актерки од овие краишта што се соблече на филм.
Ева Рас е позната и како сликарка и писателка, чии дела уживаат критики и се преведени на повеќе јазици.
А сега приказните на бабата и зошто не може без секс...
Со нејзиниот сопруг Радомир Стевиќ Рас (1931—1982), сликар и графичар, во 1964 година го основала Народниот драмски театар, каде што се изведувале дела од исклучиво домашни писатели. Ева Рас откри детали од бракот со Радомир Стевиќ Рас.
- Има ли нешто поглупо од тоа девојка во сабота да се омажи за маж кој го запознала во вторник истата недела?! Тој човек беше Радомир Стевиќ Рас и таа љубов не умира, таа ми трае во душата иако замина од овој свет - изјави Ева Рас во едно интервју.
Како што кажа и самата Ева Рас, тоа беше врска и брак полни со љубов, разбирање и блискост.
- Тоа ми е трет брак и беше успешен брак. Дваесет години бевме заедно и дваесет години лудо се сакавме, како од вчера да сме заедно. И тоа беше вистински брак, бидејќи во бракот не е важно што сум актерка. И не е важно што имав лош ден затоа што бев на снимање. Кога и да се сретнавме, водевме љубов и така живеевме.
За Ева љубовта и физичката интимност се едно исто.
- Мислам дека водењето љубов значи дека се сакате. Немој да мислиш дека здивот му смрди, туку дека сакаш да бидеш блиску до тие усни, дека сакаш да бидеш во таа прегратка, бидејќи тогаш сè ти е подобро.
Актерката откри дека нејзиниот сопруг бил многу посветен на театарот, и дека често му помагала кога другите актерки го „откачувале“. Ева тогаш, без прашање, ги преземала нивните улоги.
- И тогаш би ми се заблагодарил, а не формално да каже колку сум добра и колку е тоа фантастично. И воопшто, тоа удварање е голема цивилизациска грешка. Цивилизацијата има милијарда грешки. Ние сме всушност жртви на цивилизацијата.
Зборувајќи за самиот почеток на врската со Рас, Ева отворено признала дека не го познавала кога се венчале и дека се разделиле речиси веднаш по венчавката.
- Во моментот кога стигнавме од свадбата во гарсоњера, луѓето на Ранковиќ седеа на скалите и го земаа со себе да заминат во канцеларијата на Маршал Тито за да се договорат каков подарок да му однесат на рускиот претседател Хрушчов. Го немав видено цели два месеци.
Во тој период, признава таа, имала афери.
- Имав некои афери во тие два месеци. Доаѓав во студиото, одев во кино и водев љубов со нив.
На прашањето дали некогаш зажалила што го изневерила Рас, Ева кратко одговорила: - Не, не.
Додала и дека во еден момент му признала на Рас дека се заљубила во друг, но сепак се вратила кај него.
- Викаше по мене, а јас му реков: Зошто ми викаш? Јас сепак те избрав и се вратив кај тебе.
Но, на љубовта од 21 година со Рас му претходи мрачен брак. Вториот брак бил особено трауматичен – сопругот бил зависник од дрога, што во тоа време не било широко познато.
- Тој беше наркоман, но во тоа време тоа не беше јавно и не се знаеше. Пробав се што користеше тој и што правеше. Бев целосно настрана од сето тоа. Кога се освестив, првото нешто што помислив беше колку тој човек може да ме сака кога ни за себе не знае каде е. И веднаш побарав развод.
Присуството на дрога во тој брак оставило силен печат, а Ева еднаш го пробала и самата: - Неговите прашоци и апчиња имало насекаде низ куќата. Реков: „Ајде некогаш да го направиме тоа заедно“. И тој ми вели: „Можеш да го правиш кога сакаш, но без мене“.
Нејзините соседи подоцна и кажале дека во тоа време во целосна збунетост влегувала во туѓи станови.
- Соседите ми кажаа дека одев во туѓи станови. Бев целосно надвор од себе.
Ева Рас, покрај сета сексуалност која не ја криела ни приватно ни на филмското платно, вели дека е трајно заљубена во својот трет сопруг Радомир Стевиќ Рас
Имено, нејзината најголема љубов ја напуштила во 1982 година. Радомир Стевиќ Рас ненадејно починал од срцев удар.
– Влезе во куќата, го соблече палтото и падна мртов, без да му се слоши, без никаков знак дека ќе умре – изјави неодамна Ева Рас.
Таа и ден денес тагува по него, а откако тој почина нема партнер, ниту пак размислувала за тоа.
-Сите овие години му бев верна на Радомир Стевиќ Рас, а верна сум му затоа што го сакав и љубовта не може да престане затоа што умре. „Мојата љубов кон него ќе трае до мојата смрт“, изјави познатата актерка во едно интервју.
Сепак, прераната смрт на Радомир и нејзината ќерка Круна Рас, кои загинала во Париз под неразјаснети околности, покажува дека трагедијата не доаѓа сама.
- Ќерка ми Круна почина на 24 години во Париз во 1993 година. Таму беше на студии. Многу се зборуваше за причините за нејзината смрт, но не сакав ништо да демантирам. „Она што никој не може да го негира е дека Круна Рас беше најмладата српска писателка која објави три книжевни ремек-дела од седум до дванаесет години“, вели Ева за својата ќерка.
Поради својот трагичен живот, Ева Рас реши засекогаш да облече црно, а за смртта на најблиските изјави: - Би сакала да бидам повторно со семејството уште еден ден во животот и да ги видам сите. Додека беа живи мислев дека секогаш ќе бидат покрај мене и постојано си кажував глупости со нив“, вели Ева Рас.
© Vecer.mk, правата за текстот се на редакцијата
