НАСА, користејќи го телескопот Џејмс Веб, ја откри планетата TWA 7b, оддалечена 34 светлосни години, која има околу 100 пати поголема маса од Земјата и се наоѓа во потенцијално погодна за живеење зона.
Прелиминарните анализи сугерираат дека станува збор за млада и ладна планета, со температура од околу 49 степени Целзиусови, што се вклопува во температурниот опсег во кој може да преживее живот.
Планетата орбитира околу млада црвена џуџеста ѕвезда, TWA 7, опкружена со диск од прашина, објави ABC News.
Ова е првата директна слика од планета со телескопот Веб, користејќи техника со висок контраст што овозможува бледи објекти да се видат покрај светли ѕвезди.
Откритието потврдува дека телескопот може да пронајде и планети со мала маса во близина на ѕвездите и дава нови сознанија за формирањето и структурата на планетарните системи.
© Vecer.mk, правата за текстот се на редакцијата
