Неодамнешна студија од Харвард покажа дека путерот всушност не е толку здрав како што се смета и дека неговата најдобра замена е всушност растителното масло.
Учесниците во студијата биле поделени во групи според количината на путер и растителни масла што изјавиле дека ги консумираат, а нивната смртност била следена во период до 33 години. Луѓето кои консумирале најмногу путер имале 15% поголем ризик од смрт во споредба со оние кои консумирале најмалку.
Спротивно на тоа, оние кои консумирале најмногу растителни масла имале 16% помал ризик од смрт во споредба со оние кои консумирале најмалку.
Студија објавена во списанието JAMA Internal Medicine, исто така, покажа дека поголемиот внес на путер го зголемува ризикот од смрт од рак, додека поголемиот внес на растително масло го намалува ризикот од смрт од рак или кардиоваскуларни заболувања, како што се мозочен или срцев удар. Растителните масла кои се поврзани со овие корисни ефекти вклучуваат маслиново, соино и масло од репка (канола).
„Путерот речиси и да не содржи есенцијални масни киселини и е умерено богат со транс масти – најлошиот вид масти кога станува збор за кардиоваскуларни заболувања“, се вели во студијата.
Од друга страна, растителните масла се богати со антиоксиданси и незаситени масти.
„Малку путер одвреме-навреме за вкус не би бил проблем, но за подобро здравје, користете течни растителни масла секогаш кога е можно“, и за готвење и за поинаква употреба за јадење, додаваат тие во објаснувањето.
Путерот е богат со заситени масти –супстанца која може да го зголеми нивото на холестерол и да го зголеми ризикот од срцеви заболувања и мозочен удар. Друга храна богата со заситени масти вклучува масни парчиња месо, колбаси и пити, шеа путер (бистриран путер), свинска маст, сирење, павлака, сладолед, чоколадо, бисквити, торти, печива и некои солени закуски како што се пуканки и крекери со сирење.
© Vecer.mk, правата за текстот се на редакцијата
