„Првите објавувања ќе започнат многу брзо“, со овие зборови претседателот Доналд Трамп ја бранува јавноста ветувајќи транспарентност за еден од најмистериозните феномени на денешницата. Администрацијата веќе работи на декласификација на материјали кои со децении биле под превезот на државна тајна. Трамп посочи дека документите што ги пронашле се „многу интересни“, иако самиот признава дека сè уште не е убеден во постоењето на посетители од други планети, пренесува Ројтерс.
Додека теоретичарите на заговор со нетрпение ги очекуваат новите податоци, досегашните извештаи на војската остануваат приземни. Пентагон упорно тврди дека не постојат докази за вонземска активност, припишувајќи ги пријавите на НЛО на обични објекти или атмосферски прилики. Сепак, најавата за отворање на архивите ветува нови дебати и можни одговори на прашањата што ја интригираат американската јавност уште од времето на Барак Обама.
© Vecer.mk, правата за текстот се на редакцијата
