На нејзиниот роденден пред две години, Габи Вокер, мајка на две деца од Обединетото Кралство, освои 25.000 фунти (скоро 30.000 евра).
Сепак, она што на почетокот изгледаше како сон што се оствари, набрзо се претвори во кошмар. Наместо добивката да ѝ го промени животот на подобро, Габи брзо сфати дека мора да се справи со сериозен проблем - зависност од коцкање.
Денес, откако го започна своето патување кон закрепнување, таа отворено ја споделува својата приказна за да ја подигне свеста за растечкиот проблем што тивко уништува животи. Во искрено видео што го објави на TikTok (@gabbywalker360), Габи зборува од автомобилот и признава:
„Можеби 25.000 фунти не му изгледаат многу на некого, но за мене тоа беа многу пари во тоа време. Можев да направам многу за моето семејство, но поради мојата зависност - не можев ништо да направам.“
Наместо планирано семејно патување и уживање во времето со децата, сите пари завршиле во обложувалници и сајтови за онлајн коцкање - таа дури потрошила 1.000 фунти за еден ден.
„Потребата за коцкање е како нешто што целосно те презема. Постојано бев на телефон, постојано обидувајќи се да остварам нов профит“, рекла таа.
Габи отворено признава дека нејзината зависност оставила длабок впечаток - уништила врска, ја исцрпила финансиски и довела до чувство на срам и губење на контрола.
„Мојот партнер мораше да издржува сè - мене, децата, сметките. Беше ужасно. Се чувствував безвредно“, рекла таа.
И покрај тешките времиња, тaa вели дека сега е во фаза кога сака да се промени:
„Знам дека имам долг пат пред себе. Но, морам да престанам да се коцкам. Ако не успеам, ќе изгубам сè. Веќе немам сигурносна мрежа.“
Видеото собрало над 72.000 прегледи и стотици поддржувачки коментари. Многу корисници на социјалните мрежи ѝ се заблагодариле за нејзината храброст и искреност. Еден корисник напиша:
„Сакам да имав толку пари! Но, среќно ти, драга. Да бидеш искрена со себе е првиот чекор.“
Други ги споделија своите лични искуства со коцкањето - од губење десетици илјади фунти до живеење во долгови. Еден корисник призна:
„Добив 36.000 фунти и ги изгубив сите за 6 дена... Кога се коцкаш, губи почит кон парите“.
Како да му помогнете на некого со проблем со коцкањето
Ако се сомневате дека некој што го познавате има проблем со коцкањето, постојат специфични чекори што можете да ги преземете. Габи Вокер не е сама, но нејзината приказна е моќен потсетник дека големата добивка не секогаш значи среќа.
Напротив - понекогаш отвора врата кон деструктивни навики што можат да уништат животи. Со својата храброст и искреност, Габи денес им помага на другите да го препознаат проблемот, да побараат помош и да го започнат патот на лекување.
© Vecer.mk, правата за текстот се на редакцијата
