Додека Европа е на прагот на летото, зимска бура го погоди источниот дел од континентот. Во текот на вчерашниот ден, силен циклон се движеше над западниот дел од европскиот дел на Русија.
Овој циклон донесе многу обилни дождови и силни ветрови.
Бурата ја погоди и Москва, а обилните дождови беа придружени со силни ветрови.
На патот кон исток, циклонот повлече зад себе многу ладна воздушна маса од северот на Русија, која продре кон запад од земјата и до Москва.
По дождот, силен студ предизвика дождот да се претвори во снег, па во Москва наврна силен снег. Висината на снежната покривка достигна дури 5 до 10 см, температурата падна на 0 степени, а силните ветрови имаа налети од 50 км/ч.
Со оглед на тоа што сè е зазеленето, многу влажниот и обилен снег ги преоптовари дрвјата и зеленилото, па затоа е предизвикана поголема штета. Обилниот снег ја оштети и електричната мрежа, оставајќи 50.000 луѓе без електрична енергија низ Москва. Мраз се заканува и во текот на претстојната ноќ.
Само пред една недела, температурата во Москва достигна 27-28 степени, но сега падна за речиси 30. Студениот воздух донесе зимски температури и мраз во балтичките земји, каде што исто така беше речиси 30 степени во претходните денови.
И додека истокот на Европа е под удар на снежна бура, вистинското лето ги зафати западна, централна и југоисточна Европа и нашето подрачје, со температури што достигнуваат 30 степени.
© Vecer.mk, правата за текстот се на редакцијата
