Еден од најпопуларните модели во поранешна Југославија не се сметаше за спортски автомобил, бидејќи Лада Рива имаше некои други доблести, но овој пример е многу вреден.
Сопственик на оваа Лада Рива, односно ВАЗ 2105, според фабричката ознака е Федор Воробјев, еден од најдобрите дрифтери во Русија, кој со години успешно настапува со својата Лада и секогаш е на самиот врв на конкуренцијата.
Воробјев неодамна реши да ја продаде својата Лада, а истакнатата цена од неверојатни 137.000 евра ги изненади и најголемите љубители на дрифтот. Не треба да се спори фактот дека во тјунинг се вложени многу пари, труд, знаење и време, но цената сè уште изгледа претерано.
Во основа, оваа Лада нема речиси никакви допирни точки со фабричкиот модел. Единствената несомнена врска е обликот на каросеријата, додека речиси сите елементи на механиката и внатрешноста се заменети со тркачки.
Под хаубата се наоѓа 3.0 турбо бензинец со дури 610 КС и 800 Nm, а како изгледа оваа Лада во акција погледнете во видеото:
https://youtu.be/9-VSnaYnmmY