Летното сметање на времето би можело да остане во сила во текот на целата година во САД, според предлог-законот изгласан во Претставничкиот дом. Со ова се оживува идејата која Американците, уморни од двократното менување на саатот во годината, долго време ја поддржуваат.
Комитетот за енергетика и трговија гласаше со убедливи 48 гласа „за“ и само еден „против“ за таканаречениот „Закон за заштита на сонцето“. Поддржувачите посочуваат дека поместувањето на времето предизвикува нарушување на спиењето, зголемен број повреди на работа и сообраќајни несреќи, додека посветлите вечери ќе ја поттикнат економијата во зима. И претседателот Доналд Трамп го пофали гласањето, порачувајќи дека е време да запре оваа „смешна продукција двапати годишно“.
Законот сега треба да помине на гласање пред целиот Претставнички дом, а потоа и во Сенатот. Мерката се соочува со отпор од одредени политичари, како републиканецот Том Котон, кој предупредува дека трајното летно време ќе донесе премногу доцно изгревање на сонцето во зима, па децата ќе одат на училиште во мрак. Како компромис, предлогот предвидува сојузните држави самите да одлучуваат кое сметање на времето ќе го применат.
САД веќе еднаш имаат воведено вакво трајно летно сметање во 1974 година за да заштедат енергија, но тогаш потегот наиде на огромен револт кај народот и беше укинат истата година.
© Vecer.mk, правата за текстот се на редакцијата
