Сезоната на слави е во тек, а ви препорачуваме да направите посни бајадери. Секоја искусна домаќинка знае дека без овие колачи празничната трпеза нема значење
Состојки:
400 г шеќер
150 г мелени ореви
150 г мелен посен бисквит
125 г растителен маргарин
три лажици какао во прав
За глазурата:
100 г темно чоколадо
три лажици масло
Подготовка:
Во длабока тава ставете го шеќерот и покријте го со вода. Оставете да се вари околу пет минути додека да се растопи, а потоа додадете ги мелените ореви и бисквитите.
Мешајте додека не се соединат сите состојки, па тргнете го од шпорет. Во смесата додадете го маргаринот и сè убаво измешајте. Поделете ја масата на два дела, па на еден додадете какао. Најпрво истурете ја темната смеса во тавата, а потоа прелијте ја со светлата смеса и измазнете ја.
Во тенџере се ставаат чоколадото и маслото, да се топи на пареа. Прелијте ја бајадерата и оставете во фрижидер да се излади. Бајадерата се сечи на штангли или коцки, па послужете.
