Нема кој не сака пица, а ако често ви останува леб, не го фрлајте, користете го наместо подлога (тесто). Појадок или вечера ќе добиете едноставно и брзо, а и нема да фрлате храна. Со ова јадење особено ќе се воодушеват домашните.

Потребни состојки:

– 12 парчиња бајат(сув) леб
– 200 г кашкавал
– 100 г шунка
– 100 г сланина
– 100 г шампињони
– 4 лажици кечап или пелат
– 2 јајца
– 1 чаша павлака
– маслинки
– оригано

Начин на приготвување: Лебот наредете го во поголем плех кој претходно сте го намачкале со малку масло или маргарин. Изматете цели јајца со павлака и со смесата премачкајте го лебот, а одозгора ставете кечап. Одозгора наредете ја шунката, сланината и печурките, па над се изрендајте го кашкавалот. По желба додадете маслинки и оригано. Печете на 200 C околу 20 минути.