Убавото време се рефлектира и во нашата исхрана, па повеќето луѓе избираат лесна храна која вклучува многу свежо овошје и зеленчук. Оваа салата е вистинско освежување, можете да ја комбинирате со месо, но не мора, бидејќи сигурно ќе ве засити.
Се што треба да направите е да го исечкате зеленчукот, да направите вкусен прелив и да уживате во феноменалниот вкус и здравите состојки.
Потребни состојки:
- 450 г домати
- 1 краставица
- 1/2 црвен кромид
- 2 авокада
- 2 лажици маслиново масло
- лажица сенф
- сок од половина лимон
- 1/2 китка коријандер
Начин на приготвување: Исечете ги краставицата, доматот, кромидот, авокадото и коријандерот. Ставете сè во подлабок сад. Измешајте маслиново масло, сенф, сок од лимон и зачинете со сол и бибер. Прелијте го сечканиот зеленчук и убаво измешајте.
На здравје!
